2012 韓國自由行 – Day 4 （11月13日 ~ 東大門, 樂天 duty free, 樂天超市, 明洞）

與其話呢一篇係一篇遊記，不如話係一篇敗文……………

因為我將啲購物站放晒係呢一日度，我地連相都無乜影過………………

今日主要行商場所以特登唔咁早起身，所以今朝訓到成八點幾先郁，出得門口都差唔多九點幾了。

今 朝一定要先去唱錢先，買咗幾日真係山窮水盡…………由我地 hostel 一路行出去明洞大街，都有幾間找換店，見個 rate 今日有 139，係我嚟咗韓國咁多日最好的。諗住行去明洞會有更好的價，因為啲網友話明洞的價通常會靚啲………….

點知行晒明洞嗰條街間間都係兌 137 / 138，實在唔甘心…………

結果都係要行返轉頭去 hostel 嗰邊唱，雖然只係差 1 韓圜，但感覺真係唔抵………..

餓咗一朝，差唔多成十一點先食早餐………..

我地揀咗係 Dunkin Donuts 嚟食…………

呢個係 Joey 的包包…………

呢個係我的包包…….兩個包包的芝士都好"流"，不過呢間的麵包口感就真係麻麻地，唔夠鬆乾又有少少痴牙……..

食飽飽後我地向東大門出發~~~~

雖然我知東大門係唔應該咁早嚟，因為啲舖頭未開，但我地實在無其他時間……………..

得三個全日係韓國真係唔夠玩……….

出咗地鐵行一陣就會到 doota 呢個商場，碧奇話呢個場叫最好行的了……..所以本身都有少少期待…………..

好有特式的椅子……………..

行咗大概個幾鐘，已經行晒…………..其實 doota 啲衫唔算叫做好特別，但成個商場每一個檔口都好企理，有啲都幾肯比錢裝修架。

不過呢…….呢個場啲衫真係貴，平均都要三四百先有一件衫，我睇中咗件斗篷款的褸，要千幾蚊港紙呢……….好貴啲…………..

既然乜都買唔到，我地就轉去隔離個場 – Migliore。

呢個場的感覺就返而有啲似香港的 “香工"，但當然啲路闊落啲啦~~~~!!

最緊要的係呢度啲啲平過 doota 好多~~~~~~!! 同一件斗篷呢度大概只係一千蚊到咋~~~~~~!!（不過我返嚟香港之後再上 Gmarket 睇，同款的大概只係幾百蚊就有交易）

所以呢大家可以係格完價先決定去邊度買呀~~~~!!

我都係 Migliore 買到兩條連身裙，大概只係港紙二百幾蚊條。

呢兩個都 “頭 cool" 都係係 Migliore 買的，因為賣嘢的個個婆婆雖然只識韓文，但佢都好落力用身體語言同我地溝通呀。

同埋戴上都又幾舒服，所以雖然係有點貴，我地一人買咗一個，婆婆仲計平咗比我地~~~~!! 所以買得好開心~~~~~!!!

之後我地直接坐地鐵去乙支路入口站的樂天 duty free~~~~!!

途中發現地鐵站有間 Redeye，見佢有啲款係明洞嗰間無架喎，又迫咗入去睇睇……….

結果當然係又敗家啦………….哈哈…………….

一上到樂天 duty free 感覺就好似 Sogo 嗰啲大型商場啦~~~~~!!! 諗住唔會太多人，應該可以舒舒服服咁睇嘢。

初初我以為係好似日本嗰啲商場咁，買好晒嘢，儲埋啲單一次過去搞退稅就可以，點知原來唔係…………….

因為我地印咗啲 10,000 韓圜的現金咭優惠券，只係要呢個 duty free 買滿 USD 1 就可以換。

我地問咗個黑口黑面的服務員，佢話我地聽，要上九樓先係 duty free，呢度唔係……………

Oh…………….咁即係話我地的活動空間應該只限九樓以上的樓層…………………..

哇……………….一上到去，真係嚇一跳，簡直係同下面的兩個世界呀………….扶手電梯都未上到去，已經聽到一堆人聲，尤以國語的為多…………

嗰吓真係有啲滴汗……………..感覺就好似去咗 Sogo Thankful Week 一樣……….不過因為我地收咗 order 要買嘢，點都要去迫過~~~~~~~!!!

先去迫咗雪花秀先，因為呢度最多訂單………..

哈哈………潤唇膏都買咗四枝，仲有 firming cream 同 first care serum。

自己因為都想買多枝 balancing water，呢個出發前已係香港試咗，好好用又補濕，見佢有 set 裝，感覺好似抵啲，所以買咗~~~~!!

（早兩日開咗枝潤唇膏嚟試，不過真係一般，不如傳聞中的好啦，都係 Dior 的比較好）

唔好睇小上面呢埋嘢，呢度足足買咗我 USD3XX…………唔好理三七廿一，等 Joey 買埋 innisfree，我地就迫上去換現金咭。

全場 Innisfree 同雪花秀的櫃位係最多人圍住的，真係超級誇張。

嗰度唔會有人得閒招呼你架，你最好有張購物清單先好上去~~~~!!

wow……..因為我買得太多，所以可以有兩張 10,000 韓圜的現金咭~~~~!!

之後 Joey 話想買返個 Longchamp 袋，OKOK~~~我地再上十一樓，搵返佢個櫃位先。

原來 Longchamp 係韓國買係好抵架………….因為 Joey 出發前係香港睇過，要 HKD 9XX 一個。

呢度免稅後大概只係 HKD 7XX，再加埋我地嗰張 10,000 韓圜現金咭，只係 HKD 6XX 一個咋~~~~~!!

所以 Joey 一口氣買咗兩個，我都唔執輸，買咗一個~~~!! 嘻嘻，我呢個仲抵，因為可以扣兩張現金咭，所以只需 HKD 5XX 就買到啦~~~!! 勁開心~~~!!

但係呢度買外國的牌子，係唔會即刻有貨可以帶走架，一定要係機場攞貨的。

不過仲有嘢未買完，買埋先~~~~~~!! 咪就係 Natural Republic 囉……..

因為佢呢個 gel mask 實在太出名，當然又係必定入手啦~~~!! 但坦白講我自己就鐘意 innisfree 的 paper mask 多啲，所以我同 Joey 只係買咗一包大家 share。

跟住都仲幫入買咗 it’s skin 的 Collagen Cream，一枝係精華，一枝係晚霜，只係需要 USD15 咋，雖然唔知好唔好用，但睇價錢真係超值。

Well……….現場環境實在太似打仗，同埋我地拎住啲嘢已經好重……….我地決定唔再行了……………

改為去首爾站的樂天超市再掃過~~~~~~~~!!

去到首爾站，因為太攰，又醒起自己全日無食過嘢，所以入咗呢間 Angel in-us Coffee，不過真係未想食嘢住…………..

所以一人買返杯嘢飲坐坐先………….真係好攰……………..

補充咗能量，再戰江湖…………..

哈哈………真係買咗好多…………..

紫菜…………去韓國係必買架嘛~~~~~~!! 不過隻海鹽味就真係一般……………

泡菜味就超好呀~~~~~~!! 成個超市得紅色呢隻係泡菜味架咋，所以大家唔駛怕買錯~~~~~~!!

好彩今次一次過入咗三包，超正，呢個下次去要再入貨。

跟住係阿媽話一定要買返包比佢食的人蔘糖~~~!!

左面硬身的蔘味較重，而且係硬糖，好味啲。右邊的係軟糖，雖然都好蔘味，但阿媽話佢偏甜咗啲喎。

Market O 的 Brownie 唔駛講啦，出晒名，所以都買咗啲返嚟。

唉…….早知唔買……….返到嚟 759 阿信屋就返貨，仲要折咗只係 HKD 17.X，早知係香港買算………..

前面嗰兩個 Market O 的 Choco Crispy，好似係薄身版的樂家杏仁糖，好味呀~~~!!

呢個係貪得意買的 Dr. You mini nuts bar~~~!! 原來都好味，又唔太甜，like~~~~!!

自從有一次同姐姐 & 囡囡食過石頭飯之後，真係愛上韓國辣醬，所以出發前講明一定要買~~~!!

所以買了一樽原味，一樽細的蒜蓉味~~~~!!

呢隻上次細佬的朋友買過比佢做手信，不過我一包都未飲過………….

返正我都鐘意飲，所以買咗一包大的，其他的就用嚟做手信。

（返嚟之後試咗，一包的份量其實偏小，大概可以沖到大半杯水咋，要沖滿一杯的話，我覺得好似兩包會好啲）

呢個薑茶………..我地搵咗好耐先搵到佢呀~~~~~~!!

（我自己就未開，但我送了一盒給電器妹，佢話好正，入面仲有杞子，所以呢個下次去都係必入之選）

最後係 Diana 同碧奇都話一定要買的~~~~!! 呢隻係大盒裝，裏面有三小盒，每小盒有 6 條魚。

（呢個個口感幾得意，中有係朱古力同一啲好似大福咁的質地的東東，軟軟地又煙煙 un un，唔錯架~~~!!）

因為拎住太多嘢，又重………..我地每人平均攞住三大袋嘢，實在頂唔順，決定坐的士返 hostel…………

諗住叫司機去到 hostel 樓下嗰間 Pacific Hotel 先，然後我再教佢轉上去我地 hostel………..

唉………..但係言語不通的情況下真係完全溝通唔到……………結果………我都係抽住啲嘢自己行返去 hostel………..

之前都講過因為我地住閣樓，所以要經過一條好窄的木樓梯先上到房…………..其實條木樓梯真係得我咁闊架咋………..

我地拎住咁多嘢，點上去呢……………最後，我地決定要螞蟻搬家的形式，一個係下面遞，一個係下面接………

相信聽朝走嗰陣都係咁要…………….wow…………咁樣搬一搬都幾出力………………..

返到 hostel 坐底咗真係唔想郁…………不過點都要出街食嘢…………….同埋講真…………..雖然我地住明洞，但就咁多日都無認認真真係咁行過明洞…………..

唔好理，先去開餐先，終於覺得有啲肚餓……….

今晚決定食明洞餃子~~~~~!! 佢個門口好細又無中文字……….我地又差啲又 miss 咗………..

係門口睇以為無乜人，其實入面好多人食飯架……………….

呢個就係招牌的餃子………..其實有啲似小籠包，只係呢個入面無湯漏出嚟，同埋佢係大隻啲囉………..

跟住呢個麵都好多人叫架，於是我地又叫咗一碗嚟 share…….

雖然而家已經唔記得個麵係咩味，但我知道個麵係好味過啲餃子囉……………

食飽就開好我地遊明洞的計劃啦…………..哈哈………其實即係四圍蕩……………

我地蕩蕩吓去到明洞大街街尾咁滯，終於比我搵到 Osulloc 呢間賣茶的專門店………

因為之前係仁寺洞分店見到佢有啲 wedding 的茶葉套裝，諗住買嚟比我啲就結婚的朋友做手信………..

點知呢間 shop 係無呢啲嘢賣……….唉……….早知嗰日買咗佢就算…………

呢個故事再一次教訓我地，去旅行睇啱嘢就真係好買，有啲嘢真係一期一會架咋………….

咁都係咗盒綠茶返嚟做手信，佢話係用濟洲出的茶葉嚟做架……….

臨比錢之際………..比我見到我細佬好鐘意的日本 “虎" 羊羹，反正未諗到買乜比佢，買一盒呢個比佢，佢應該會好驚喜~~~~

好彩之前印咗優惠券，有九折~~~~!! 另外店員仲送咗一盒兩塊的面膜比我…………

行過少少，見到間勁多植物的舖頭~~~~~~比佢引咗入去…………

呢間啲產品標榜自己都係純天然架，而且啲包裝好靚，我地見佢面膜同 hand cream 都有優惠做緊，所以每樣買咗一 pack 嚟 share。

同店員傾開，先知原來佢係同雪花秀同公司架~~~~~!!!

其實行埋呢間舖都差唔多十點了，好多 shop 都 close 咗，淨返啲化妝品舖未 close 咋………

咁買埋 innisfree 面膜就算，早啲返去執嘢，今日掃咗咁多，實有排執………….

innisfree 面膜呢隻真係抵用，950 韓圜一塊又勁補濕喎，維返大概 HKD 7 一塊，買十就送一。

所以我一口氣買咗廿塊~~~~~但佢無比其他贈品我囉………….下次都唔好係大街呢間買………..

嚟咗韓國咁多日，無可能未試過極之出名的香蕉奶就走架嘛………..

所以去便利店買咗一枝，同埋買定啲茶今晚飲~~~~!!

我就無要香蕉奶啦，因為怕胃痛……….但 Joey 比我試咗一啖……………oh……………..似香港的陽光蜜瓜豆奶咁味咋喎…………

點解會咁紅!? 同埋咁多人鐘意…………買陽光蜜瓜豆奶就一樣味啦…………….好彩我地無係超市瘋狂入貨………….如果唔係應該會好後悔………….

果然………..呢晚我地執嘢執到十二點幾……….但聽朝要五點起身……………..（即係香港時間四點………………）

真係好攰………………..好攰………………